Schrödingerren katua

Schrödinger fisikaria mekanika kuantikoaren garapenean su eta gar aritu zen. Argi dago izugarrizko meritua izan zuela bere izena daraman ekuazioa plazaratzean, bertze ekarpenekin batera. Dena den, bide hau guztia ez zuen bakarrik egin, eta meritua teoria honen garapenean lan egin zutenen artean banatu behar dugu (Heisenberg, Einstein, Curie, Bohr, eta abar). Zientzialari hauek guztiok onartutako Mekanika Kuantikoaren oinarri matematiko sendoak ezarri zituzten. Hala ere, ekuazioen interpretazioan ez zen horrelako adostasunik lortu! Esparru honetan kokatu behar dugu Schrödingerrek famatua egin zuen katua, Schrödingerren katua.

Dudik gabe, orduak eta orduak hitz egiten eta eztabaidatzen egon gintezke gaiaren inguruan. Agian, bertze egun batean honi buruz idatziko dut, sakonago. Baina gaurkoan audio bat dakarkizuet, gaiaren inguruan, Urtarrilaren 9an Norteko Ferrokarrillan Guillermo Roak eta biok esandakoak. 22 minutu inguruko audioa da, eta irudietan ikus dezakezuen bezala, ederki pasa genuen. Bai, istorio hauekin ere dibertitzerik badago!

Erran beharra dut normalean ni agertzen naizen argazkiekin ez naizela biziki pozik gelditzen, baina hauekin nahikoa konforme gelditu naiz. Willy artista hutsa da, ez bakarrik mikroen atzean! Eskerrak niri ez didan kamararik utzi... Bertzerik gabe, hor duzue 

Schrödinger eta katu bat kutxa batean

-----------------------------------------------------------------------------------

Sarrera honek #KulturaZientifikoa 3. Jaialdian parte hartzen du

Descargo de responsabilidad: He utilizado las imágenes sin ánimo de lucro, con un objetivo de investigación y estudio, en el marco del principio de uso razonable - sin embargo, estoy dispuesto a retirarlas en caso de cualquier infracción de las leyes de copyright.Disclaimer: I have used the images in a non for profit, scholarly interest, under the fair use principle - however, I am willing to remove them if there is any infringement of copyright laws.